नववर्ष आले हो नववर्ष आले........© मंदार खरे!!!

नववर्ष आले हो नववर्ष आले..

गतवर्षी झाले बहु चर्चित घोटाळे
पुण्य संस्कृतीचे झाले पार वाटोळे

कांद्याने केले सगळ्यांचे वांदे
उघड झाले "आदर्श" धंदे

"राष्ट्र्कुल"चा खाली आला पुल
दुरसंचारने केला "स्पेक्ट्र्म"च गुल

"B.R.T."चे वाजले तीन तेरा
अतिवृष्टीने बुडविले भुमिधरा

"लवासा"ने खाल्ले पुण्याचे डोंगर
"जैतापूर"ने फिरवले कोकणावर नांगर

"वाईटा" बरोबर काही "चांगले"ही घडले
वर्ष सरता सरता "बॅलन्स"ही केले

"वनडे"त मारले सचिनने दोनशे
"कसोटी"त राखला नंबर वन शानसे

"हरीश्चंद्रा"ची झाली "ऑस्कर"वारी
"साईना" ने मारली ऊंच भरारी

"निकोल" बनली "पृथ्वी-सुंदरी"
"ओबामा" आले "भारता"च्या दारी

गतवर्षीचे आता पुरे झाले ऊणे देणे
सुख, समृद्धी, शांति हेच जीवन गाणे

©मंदार खरे
१/१/११